الرئيسية / التوصيات

مزارعي القمح ....

2023/11/23

اللي زرع القمح مبكر هذا الموسم ...

سبق واتكلمنا عن ميعاد الزراعة المناسب للقمح وقلنا ان الموسم ده انسب ميعاد ما بين 10 نوفمبر حتى 5 ديسمبر ... لكن بعض الناس زرعت بدري عن الميعاد ده ...

لإني قلت إن ما زال الخريف دافئ نهاراً .. وان الزراعة المبكرة تخلي النباتات تأخذ احتياجاتها الحرارية بدري بدري وتتعدي المراحل ... عشان كده قلت بلاش نزرع القمح في أكتوبر وحتي اول نوفمبر ... وكذلك الشمر وخصوصاً الأصناف الأجنبية زي الهولندي والالماني...

طيب اللي زرع بدري هيحصل ايه ؟؟ وايه التصرف؟؟

** تخطى المراحل الفينولوجية في مرحلة الطرد والاخصاب أو العقد بسرعة وفى توقيتات حرجة سواء من عمر النبات أو من خلال التقلبات المناخية الحادة المتوقعة خلال الفترة القادمة.

** من بين التأثيرات غير المباشرة ظهور الأجيال الأولى مبكرا من المن والتربس الدورة الأولى من بعض امراض القمح مثل التفحم السائب وتبقعات وتلطخات الاوراق الفطرية على القمح واحيانا مرض البياض الدقيقي أو الصدأ لو الجو كان بارد ورطب.

** طرد السنابل مبكرا في القمح قبل أن يتكون عدد كبير من الأشطاء للنبات ،

** قلة التفريع وقلة عدد السنابل وبالتالي انخفاض المحصول .

** صغر حجم السنابل وقلة عدد الحبوب بالسنبلة.

** التبكير الشديد في طرد السنابل حيث عدم ملائمة الظروف الجوية للإخصاب وبالتالي قلة الحبوب المتكونة وانخفاض المحصول .

** النضج المبكر جدا وتعرض المحصول لمهاجمة العصافير.

طب والعمل ايه الي حصل عنده كده؟؟

** تكثيف المعاملة بعالى الفسفور اما فى صورة ماب (2-3 ك) أو حامض فسفوريك (8-10 ك).. من عمر 10 إلي 60 يوم ...

**الرش بنترات الماغنسيوم بمعدل ٧٥٠ جم علي ٣٠٠ لتر ماء للفدان لعدد ٣ رشات متتالية... من عمر 35-75 يوم ...

** إضافة البوتاسيوم في صورة بوتاسيوم فوسفيت فقط... من عمر 85 - 105يوم ...

** تأجيل المعاملة بالزنك أو الكالسيوم حتي منتصف ديسمبر القادم .

** التعامل مع موضوع العصافير لان العصافير هتعزم نفسها على السنابل لما تطرد خاصة لو مفيش جنبك قمح مزروع كتير .

دكتور محمد علي فهيم

23 نوفمبر 2023

13 هاتور 1740

مصدر التوصية