الرئيسية / التوصيات

بداية موسم زراعة القمح

2023/11/01

أهلاً وسهلاً بكل الاحباب مزارعين غلة مصر ...

ونحن على وشك بداية شهر هاتور .. ابو الدهب المنتور ... شدو حيلكم وركزو في الكلام اللى هنقوله باقي أيام قليلة ونبدأ زراعة غلة أرضك هذا الموسم ( وزي ما اتفقنا بعد من 7- 10 أيام من الآن ) نبدأ زراعة عشان الجو لسه دافئ إلى حار بسبب ظاهرة النينو اللى اتكلمنا عنها قبل كده وهى ممتدة معانا شوية ..

ويجب الأخذ في الاعتبار جدا الثلاثية دي:

1** الالتزام بالخريطة الصنفية الموسم ده لا يقبل الخطأ ..

2** الزراعة بتقاوي معتمدة ( من الجمعية او الشركات ) أمر واجب ..

3** الزراعة على مصاطب في أراضي الوادي والدلتا عدا المناطق المتأثرة بالأملاح ويا ريت تضيف سلفات نشادر او نترات نشادر بمعدل 1.5 شيكارة للفدان كجرعة تنشيطية مع الزراعة ...

*** وأهم نقطة وهي ميعاد رية المحاية (رية الشتوية) ياخد باله من الآتي:

** رية المحاياة (التشتية) بعد حوالي من 21 – 25 يوم من الزراعة، ويجب ألا تتأخر رية المحاياة عن 30 يوم بالكثير قوي ... إلا في حالة سقوط الأمطار الغزيرة ويوالى الري بعد ذلك كل 25 يوما ويجب عدم تعطيش النباتات خاصة أثناء فترات التفريع وطرد السنابل، وفي كل الأحوال يجب عدم الإسراف في مياه الري.

** وضيف مع رية التشتية 10 لتر حامض فسفوريك او 3-4 كجم ماب أو منقوع سوبر الفوسفات لزيادة تنشيط الجذور ودفع النباتات للتفريع.

** لا تخلط مبيدات الحشائش الا بتوصية او تجربة ودي توصية خط أحمر لانها بتعمل مشاكل كل موسم وتصفر اطراف القمح او توقف نموه وتعطله شوية..

وعموماً كل التفاصيل دي هتلاقوها على صفحتي...

دمتم طيبين

د. محمد علي فهيم

1 نوفمبر 2023

22 بابه 1740

مصدر التوصية