أول برمهات مع شوية تنبيهات

اول برمهات .. يعني روح الغيط وهات

بس لما تروح الغيط .. خد بالك من شوية تنبيهات ...

لأن الجو رافع حرارته بالنهار ولسه بارد قوي بالليل ..

ومع كتير تذبذبات وشوية حسومات ...

1- يعني لازم الأرض تحت الزرع كل الزرع تكون ديماً بها نسبة رطوبة ( مروية يعني).

2- يعني ري القمح يكون بحساب (حسب نشاط الرياح بعد الري) .. واوعى تفطم القمح بدري.

3- يعني نقرب فترات الري بالتنقيط لكل الزراعات اللى ريها بالتنقيط.

4- يعني نهوي البلاستيك للصوب والانفاق طول اليوم ...

5- يعني تخلى بالك من المن والتربس على كل المحاصيل.

6- يعني تخلى بالك من البياض الدقيقي على المانجو والقمح والعنب المبكر.

7- يعني تكثف إضافة الفولفيك وعالى الفسفور لأشجار الفاكهة كلها مع الري.

8- يعني التوتا ابسلوتا هتزيد على الطماطم وتتنقل على البطاطس الصيفي كمان.

9- يعني دودة فراشة الياسمين هتظهر على الزيتون.

10- يعني الجيل الأول من دودة عناقيد العنب هتظهر بدري.

11- . يعني الكمون واليانسون والكسبرة والشمر والكراوية لازم يترشو بوتاسيوم فوسفيت أو سترات بوتاسيوم الفترة دي ..

12 – يعني نهتم كتير بمركبات التحجيم في البطاطس والبصل والثوم والبنجر المتأخر ..

13- يعني لازم نحصن البطاطس الصيفي من الندوة المتأخرة والندوة البدرية والتبقع البني ...

14 – يعني نهتم جداً بمركبات الكالسيوم بورون والكالسيوم فوسفيت لكل بساتين المانجو اللى دخلت في العقد ...

15- يعني كل محاصيل العروة الصيفية المبكرة اللى اتزرعت اليومين اللى فاتو يكون عالي الفسفور أساسي.

يعني ... لازم نعمل شير للمنشور ده على أوسع نطاق ...

وكل عام وحضراتكم جميعاً بألف خير وسلام وصحة وعافية

دكتور محمد علي فهيم

10 مارس 2024

1 برمهات 1740

29 شعبان 1445

مصدر التوصية