برمهات محتاج عشر حاجات

أيام قليلة ويبدأ #شهر_برمهات ...

يعني روح الغيط وهات..

بس لما تروح الغيط ..

خد بالك من #عشر_حاجات :

1. يعني لازم الأرض تحت الزرع تكون ديما بها نسبة رطوبة ( مروية يعني). وري القمح يكون بحساب (حسب نشاط الرياح بعد الري) .. واوعى تفطم القمح بدري.

2. يعني نقرب فترات الري بالتنقيط لكل الزراعات اللى ريها بالتنقيط. لان الجو هيبدأ يرفع مع اول برمهات ..

3. يعني نهوي البلاستيك للصوب والانفاق طول اليوم ...

4. يعني تخلى بالك من المنّ والتربس على كل المحاصيل.

5. يعني تخلى بالك من البياض الدقيقي على المانجو والخوخ والقمح.

6. يعني تكثف إضافة الفولفيك وعالى الفسفور لأشجار الفاكهة كلها مع الري.

7. يعني التوتا ابسلوتا هتزيد على الطماطم والبطاطس الصيفي كمان.

8. يعني دودة فراشة الياسمين هتظهر على الزيتون.

9. يعني الجيل الأول من دودة عناقيد العنب هتظهر بدري.

10. يعني الكمون واليانسون والكسبرة والشمر والكراوية لازم يترشو بوتاسيوم فوسفيت أو سترات بوتاسيوم الفترة دي ..

دكتور محمد علي فهيم

6 مارس 2025

27 أمشير 1741

مصدر التوصية