الرئيسية / التوصيات

ده تحذير هام جداً ...

2024/06/09

متوقع موجة طويلة شوية شديدة الحرارة ، تبدأ تدريجياً من الاربعاء 12 / 6 / 2024 وتستمر على الاقل للاسف 10 أيام متصلة وممكن اكتر ...

الموجة متوقع ان ترتفع الحرارة فيها إلى قيم قياسية شوية ... وزي ما قلنا قبل كده اللى بعد بؤونة غير اللى قبل بؤونة حتى لو نفس قيم درجات الحرارة ...

خلينا نكون مستعدين لان معندناش شغلانة غير الزراعة ....

*** الميه والري هي حياة النبات لكل المحاصيل في الظروف دي ...

*** نلغى موضوع التصويم خاصة فى لب البطيخ والصويا والذرة وغيره ..

*** حماية ثمار المانجو والرمان اجراء هام جدا سواء بالجير المخفف او بسليكات الالمونيوم وغيرها ..

*** استعجال الرش لمكافحة الحشرات القشرية والبق الدقيقي وكل الحشرات والامراض ومعانا الاتنين والتلات قبل دخول الموجة شديدة الحرارة ..

*** والاهم الحفاظ على السلامة الشخصية وبلاش استهتار لان الشمس بقت عمودية تحت اسوان يعني بقى حرارة واشعاع شمسي قوي مع بعض ... غطاء رأس ابيض ولبس كمام وشرب الماء كل شوية وشرب شاي قليل السكر واقل خضار كتير ..

ربنا يحفظكم جميعاً من كل سوء ويحفظ ارزاقكم وتعبكم ..

خليكم متابعين الصفحة بكثافة شوية الفترة دي لو سمحتم ..

اعمل شير للكلام ده لو سمحتم ..

دمتم طيبين

دكتور محمد علي فهيم

9 يونيو 2024

مصدر التوصية