الرئيسية / التوصيات

#الفاصوليا_والفرصة_الأخيرة....

2025/04/11

زراعات الفاصوليا الصيفية الآن في معظمها في النصف او التلت الاخير من عمرها ( تكوين التزهير والعقد وتكوين القرون ومليء الحبوب وبداية نضج القرون ) سواء المنزرعة في أوائل فبراير أو آخره او حتى في اول مارس ... يعني العمر من 50 إلى 80 إلى 100 يوم وهي مراحل هامة من مراحل الإنتاج لإعطاء محصول وجودة حبوب عالية

...

وطبعاً الجو المتقلب والتذبذبات الحرارية تعبت الفاصوليا وأخرتها وعطلتها كتير. ..

لذلك فمن المهم وقبل الدخول في الصيف الحقيقي لابد البدأ في عمليات استكمال العقد بسرعة او التحجيم للقرون والحبوب فوراً عن طريق:

🔵🔵 - الفاصوليا عمر من 50 – 70 يوم ( المنزرعة اخر شهر اتنين (فبراير) او بداية شهر تلاتة (مارس):

✍️✍️** مطلوب تكثيف إضافة عالي الفسفور ونترات الماغنسيوم والسيتوكينين رشاً لكل الفاصوليا ...

✍️✍️** كمان الفاصوليا المتأخرة اللى متأثرة بأعفان الجذور يمكن إضافة المبيدات الفطرية مع الري او رشاً ( توبسين – كاربندازيم ) ..

✍️✍️** ولازم نستعد للرش ضد الكاروس ( الحمرا) لأنها هتزيد كتير الفترة اللى جاية خاصة الفاصوليا اللى جنب زراعات الفراولة او غيرها ...

🔵🔵 –الفاصوليا عمر من 75 – 100 يوم ( المنزرعة في النصف الأول من فبراير ):

✍️✍️** يتم اضافة 10 كجم سلفات بوتاسيوم + 5 كجم سلفات ماغنسيوم مع الري الغمر - خلال الريتين الاخريتين (وتكون 6 ك سلفات بوتاسيوم + 4 سلفات ماغنسيوم خلال الري بالتنقيط).

✍️✍️** الرش بسترات البوتاسيوم أو نترات بوتاسيوم بمعدل 1.5 لتر للفدان + 30 سم سيتوكينين 4% / 300 لتر ماء للفدان.

اعمل شير للكلام ده حتى لو مش زارع فاصوليا - عشان الكلام يوصل لاكبر عدد ممكن من مزارعين الفاصوليا ...

دمتم طيبين ...

ءء

اعمل شير وشارك في الأجر ... وخلي غيرك يستفاد

دمتم طيبين ...

#اعمل_متابعة_الصفحة...

==============ءء

أستاذ دكتور / محمد علي فهيم

3 برمودة 1741

11 ابريل 2025

13 شوال 1446

مصدر التوصية